Առցանց խորհրդատվություն
Զանգեք մեզ հանդիպման համար +374 10 211 771


Դուք ցանկանու՞մ եք, որ ձեր մանուկները ունենան առողջ ատամներ

    "Սպիտակ Ամրոցում" շատ կարևորվում է երեխաների բերանի խոռոչի առողջությունը: 

     

    Երեխաների առողջ ատամների պահպանման համար մենք իրականացնում ենք կարիեսի կանխարգելման մի շարք միջոցառումներ`

     

    • ատամների ֆտորապատում հատուկ մանկական ֆտոր պարունակող գելերով,
    • ատամների փոսիկների զմրսում և այլն:

    Այս պարզ, անցավ , սակայն շատ կորևոր միջոցառումները  մեծ դիմադրություն են առաջացնում կարիեսի հանդեպ:

     

     Մեր մասնագետները իրականացնում են երեխաների ատամների անցավ բուժում և պլոմբավորում հեքիաթային գունավոր պլոմբաներով և որ ամենակարևորն է, երեխաների հետ ստեղծվում է այնպիսի հարաբերություններ, որ երեխաները չեն վախենում ատամները բուժելուց և հաճույքով են հաճախում իրենց ատամնաբույժի մոտ: 

Կոնֆետը համարվում է երեխաների ատամների համար առաջին թշնամին

Երեխաների կարիեսով ախտահարված ատամները անհրաժեշտ է պլոմբավորել

Խորհուրդ N1

Երեխայի ատամների ճիշտ մաքրում


Երեխայի ծնվելու պահից սկսած պետք է սկսել նրա բերանի խոռոչ հիգիենայի պահպանումը: Մինչև ատամների ծկթումը պետք է երեխային ամեն կերակրելուց հետո խմեցնել նախօրոք եռացված գոլ ջուր, բերանի խոռոչից կաթնային փառը հեռացնելու նպատակով: Երեխայի առաջին ատամի ծկթման ժամանակ նա արդեն պետք է ունենա իր առաջին անհատական ատամնախոզանակը և ատամնամածուկը: Պետք է մաքրել երեխայի նույնիսկ մեկ ատամը:

Խորհուրդ N2

Ինչպես ընտրել ատամնամածուկներ


Այժմ շուկայում առկա ատամանմածուկների բազմազանության պատճառով դրանց ընտրության հարցում առաջանում է դժվարություն: Մածուկները լինում են տարբեր նշանակության և որպեսզի ատամների մաքրումը լինի առավել արդյունավետ, անհրաժեշտ է խորհրդակցել Ձեր ստոմատոլոգի հետ և կատարել մածուկի ճիշտ ընտրություն:

Խորհուրդ N3

Երբ է անհրաժեշտ փոխել խոզանակը


Ատամնախոզանակի մազիկների ծայրերը անցնում են հատուկ գործարանային մշակում և ունեն սրացված աշխատանքային մաս: 2-2,5 ամիս օգտագործելուց հետո խոզանակի աշխատանքային մասը մաշվում է և այդ խոզանակով մաքրման արդյունավետությունը իջնում է, հետևաբար անհրաժեշտ այդ խոզանակը փոխել:

Խորհուրդ N4

Ինչու օգտագործել ատամնաթել


Ատամները ունեն 5 մակերես: Խոզանակելով մաքրվում է այդ մակերեսներից 3-ը: Երկու կոնտակտային մակերեսները անհրաժեշտ է մաքրել միջատամնային թելերով: Եթե չօգտագործենք ատամանաթելերը, ապա օրինակ ծամիչ ատամների մակերեսի 40% կմնա առանց մաքրման: Դրանք առկա են ցանկացած դեղատանը և արժեն մոտ 1000դր.:

Խորհուրդ N5

Երեխայի ատամների խնամքը


Կոնֆետը համարվում է երեխաների ատամների համար առաջին թշնամին: Դրա փոխարեն շատ օգտակար է չոր սննունդի (խնձոր, գազար և այլն) օգտագործումը, ինչը կատարում է ատամների ինքնամաքրում: