Ատամների մաքրում, որից այլևս պետք չէ խուսափել
Guided Biofilm Therapy — շվեյցարական պրոտոկոլ՝ տաք ջրի հոսքով և նուրբ փոշիով։ Առանց մետաղյա կյուրետների կամ դրանց նվազագույն օգտագործմամբ, առանց այն զգացողության, որի պատճառով տարիներով հետաձգում եք այցը։
Դր. Նաիրա Հովհաննիսյան — հավաստագրված GBT մասնագետ և SDA թրեյներ
Ամեն ինչ սկսվում է նրանից, որ խնդիրը դառնում է տեսանելի
Բիոթաղանթը՝ բակտերիաների բարակ շերտը, որն առաջացնում է կարիես և լնդերի բորբոքում, աչքով չի երևում։ GBT-ում այն նախ ներկվում է հատուկ լուծույթով։ Այդ պահին և՛ Դուք, և՛ բժիշկը տեսնում եք ճշգրիտ քարտեզ՝ որտեղ է կուտակվել և ինչն եք տանը ամեն օր բաց թողնում։
Հնարավոր չէ մաքրել այն, ինչը չես տեսնում։
Կլինիկական դեպքը, լուսանկարները և ռենտգեն պատկերները՝ Դր. Նաիրա Հովհաննիսյանի հեղինակային աշխատանք, «Սպիտակ Ամրոց» ստոմատոլոգիական կլինիկա։
Ի՞նչն է այլ կերպ
Տարբերությունը ոչ միայն սարքի մեջ է, այլ հերթականության. GBT-ում նախ ախտորոշում ենք, հետո՝ մաքրում։
Դասական մաքրում
- Մետաղյա գործիքների լայն օգտագործում
- Ցավ և զգայունություն մաքրումից հետո
- Մաքրվում է այն, ինչ երևում է աչքով
- Էմալի և ռեստավրացիաների վրա քերծվածքների ռիսկ
- Իմպլանտների շուրջ՝ սահմանափակ հնարավորություն
Guided Biofilm Therapy
- Տաք ջրի և էրիթրիտոլային փոշու հոսք
- Բուժառուների մեծ մասը ցավ չի զգում
- Բիոթաղանթը նախ ներկվում է, ապա հեռացվում ամբողջությամբ
- Էմալը, պլոմբերը, պսակներն ու վինիրները մնում են անվնաս
- PERIOFLOW®-ը մաքրում է իմպլանտի շուրջը՝ առանց մակերեսը վնասելու
Ինչով է տարբերվում մեր GBT-ն
GBT-ն միջազգային պրոտոկոլ է, բայց այն կարելի է իրականացնել տարբեր խորությամբ։ «Սպիտակ Ամրոց»-ում ամբողջ ընթացակարգն անցնում է միկրոսկոպի տակ և հենվում է չափված տվյալների, ոչ թե աչքաչափի վրա։
- Աշխատանք միկրոսկոպի տակՄեծացումը թույլ է տալիս տեսնել լնդեզրին և ատամների արանքում մնացած նստվածքը, որը անզեն աչքով պարզապես չի երևում։
- Florida Probe թվային ախտորոշումՅուրաքանչյուր ատամի շուրջ գրպանիկները չափվում են էլեկտրոնային զոնդով և գրանցվում համակարգչում։ Ստանում եք պերիօդոնտալ քարտ՝ ճշգրիտ թվերով և վիճակի դինամիկայով։
- Ձեր բակտերիաները՝ մանրադիտակի էկրանինՁեր նստվածքից վերցված նմուշը դրվում է մանրադիտակի տակ, և Դուք տեսնում եք կենդանի բակտերիաները շարժման մեջ։ Այս մեկ րոպեն փոխում է տնային խնամքի վերաբերմունքը ավելի շատ, քան ցանկացած բացատրություն։
- Լուսանկարչական և ռենտգեն արձանագրումԱմբողջական լուսանկարային շարք և անհրաժեշտության դեպքում ռենտգեն պատկերներ՝ ելակետը ֆիքսելու և հաջորդ այցին համեմատելու համար։
- GBT Machine — EMS-ի ամենավերջին սարքը«Սպիտակ Ամրոց»-ում աշխատում ենք Guided Biofilm Therapy-ի հեղինակ ընկերության՝ EMS-ի նորագույն GBT Machine սարքով, որը մեկ համակարգում միավորում է AIRFLOW®, PERIOFLOW® և PIEZON® գործառույթները։
GBT ընթացակարգ միկրոսկոպի տակ, «Սպիտակ Ամրոց»
Այցի ընթացքը՝ քայլ առ քայլ
GBT-ն ընթացակարգ չէ, այլ հստակ հերթականություն։ Ոչ մի քայլ բաց չի թողնվում։
Ախտորոշում
Զննում միկրոսկոպի տակ, Florida Probe-ով գրպանիկների թվային չափում յուրաքանչյուր ատամի շուրջ, լուսանկարային շարք և անհրաժեշտության դեպքում ռենտգեն պատկերներ։
Բիոթաղանթի ներկում
Ներկիչը բացահայտում է բակտերիալ շերտը՝ ներառյալ այն հատվածները, որոնք աչքով չեն երևում։
Մոտիվացիա և խորհրդատվություն
Ձեր նստվածքի նմուշը դիտվում է մանրադիտակով՝ կենդանի բակտերիաները էկրանին։ Ապա «Դոկտոր Նաիրայի հիգիենայի դպրոցում» Ձեզ ցույց են տալիս, թե կոնկրետ ինչպես մաքրել հենց Ձեր խնդրահարույց հատվածները և որ միջոցներով։
AIRFLOW® MAX
Տաք ջրի և նուրբ փոշու հոսքով հեռացվում են բիոթաղանթը, փափուկ նստվածքը և սուրճի, թեյի ու ծխախոտի գունավորումները։
PERIOFLOW®
4 մմ-ից խորը գրպանիկներում և իմպլանտների շուրջ՝ հատուկ ճկուն ծայրակալով, հասանելի է այնտեղ, ուր սովորական գործիքը չի հասնում։
PIEZON® PS
Մնացած կարծր քարը հեռացվում է GBT Machine-ի PIEZON® գործառույթով՝ կառավարվող ուժով։ Իմպլանտների և ռեստավրացիաների համար օգտագործվում է առանձին՝ PI ծայրակալը։
Վերջնական ստուգում
Կրկնակի ներկում և ստուգում միկրոսկոպի տակ՝ ոչ մի բիոթաղանթ չի մնացել։ Ապա ֆտորացում անհատական գդալիկներով՝ էմալի ամրացման համար։
Հաջորդ այցի ժամկետը
Ձեզ համար կազմվում է անհատական գրաֆիկ՝ 3, 4 կամ 6 ամիս՝ ելնելով ռիսկից, ոչ թե ընդհանուր կանոնից։
Ում համար է հատկապես կարևոր
- Իմպլանտ ունեցողներին
- Բրեկետներ և էլայներներ կրողներին
- Պսակներ, վինիրներ և ռեստավրացիաներ ունեցողներին
- Լնդերի արյունահոսության և պերիօդոնտի խնդիրների դեպքում
- Զգայուն ատամներ ունեցողներին
- Հղիներին
- Ծխողներին և սուրճ շատ օգտագործողներին
- Նրանց, ովքեր տարիներով հետաձգում են մաքրումը՝ ցավից վախենալով
Երբ վիրահատությունը դառնում է ավելորդ
Իմպլանտի շուրջ ոսկրի կորուստը՝ պերիիմպլանտիտը, երկար ժամանակ համարվում էր վիրահատական խնդիր։ Ճիշտ պրոտոկոլով և կանոնավոր հսկողությամբ օրգանիզմը հաճախ ինքն է վերականգնում կորցրածը։
Պերիիմպլանտիտի ոչ վիրահատական բուժում՝ 5 տարվա դիտարկում
PERIOFLOW®-ով իմպլանտի շուրջ մաքրում, տնային խնամքի վերակազմում և պարբերական հսկողություն։ Ռենտգեն պատկերները ցույց են տալիս ոսկրի աստիճանական վերականգնում՝ առանց վիրահատության։
Կլինիկական դեպքը, լուսանկարները և ռենտգեն պատկերները՝ Դր. Նաիրա Հովհաննիսյանի հեղինակային աշխատանք, «Սպիտակ Ամրոց» ստոմատոլոգիական կլինիկա։
Դոկտոր Նաիրայի հիգիենայի դպրոցը
Մաքրումը մեկ այցի արդյունք է։ Այն, ինչ տեղի է ունենում հաջորդ ամիսներին, կախված է Ձեզանից։ Հենց դրա համար ամեն GBT այց ներառում է անհատական ուսուցում՝ ոչ թե ընդհանուր խորհուրդներ, այլ աշխատանք Ձեր կոնկրետ խնդրահարույց հատվածների հետ։
- Խոզանակի ճիշտ տեխնիկա՝ ցուցադրված մոդելի վրա
- Միջատամնային միջոցների ընտրություն՝ Ձեր արանքների չափով
- Ոռոգիչի և լրացուցիչ միջոցների կիրառում
- Անհատական խնամքի հավաքածու՝ գրավոր հրահանգով
Ով է իրականացնում
GBT-ն սարք չէ, այլ պրոտոկոլ։ Նույն ապարատով արդյունքը կախված է նրանից, թե ով է աշխատում դրանով։
- Դր. Նաիրա Հովհաննիսյան — ստոմատոլոգ, ԵՊԲՀ, 2007, 18 տարվա փորձ
- «Սպիտակ Ամրոց»-ի համահիմնադիր — կլինիկայում 2010 թվականից
- SDA Trainer — Swiss Dental Academy, Nyon, Շվեյցարիա, 2025
- GBT մասնագետ և թրեյներ — ուսուցանում է պրոտոկոլն այլ ստոմատոլոգներին
- Բժշկական խորհրդատու — EMS, Շվեյցարիա
- Դասախոս — ԵՊԲՀ և ISD Dental School
- Տնօրեն — «Դենտալ Տուրիզմ Արմենիա» հիմնադրամ
- Ոչ վիրահատական պերիօդոնտոլոգիա — Կ. Մաթևոսյանի (R.D.H., M.S., ԱՄՆ) դասընթացներ
Հավաստագիրը ստացվել է Շվեյցարիայում՝ Swiss Dental Academy-ի կենտրոնակայանում, 2025 թվականի հուլիսին։
Հաճախակի տրվող հարցեր
Ցավու՞մ է
Ոչ։ Ջուրը տաքացվում է մարմնի ջերմաստիճանին, փոշին էրիթրիտոլային է և չափազանց նուրբ։ Մետաղյա կյուրետներ կա՛մ ընդհանրապես չեն օգտագործվում, կա՛մ կիրառվում են նվազագույն ծավալով՝ միայն այնտեղ, որտեղ իրապես անհրաժեշտ է։ Բուժառուների մեծ մասն ասում է, որ զգացողությունը սովորական մաքրման նման չէր։
Որքա՞ն է տևում այցը
45–75 րոպե՝ կախված նստվածքի ծավալից և վերջին մաքրումից անցած ժամանակից։
Ատամներս կսպիտակե՞ն
GBT-ն սպիտակեցում չէ։ Այն հեռացնում է սուրճի, թեյի, գինու և ծխախոտի գունավորումները, և ատամները վերադառնում են իրենց բնական երանգին։ Շատերի համար հենց դա է բավարար։
Իմպլանտ ունեմ — անվտանգ է
Այո։ PERIOFLOW®-ը մշակվել է հենց իմպլանտների և խորը գրպանիկների համար. այն մաքրում է տիտանի մակերեսի շուրջը՝ առանց այն քերծելու։ Իմպլանտ ունեցողների համար կանոնավոր պրոֆեսիոնալ մաքրումը իմպլանտի երկարակեցության հիմնական պայմաններից է։
Որքա՞ն հաճախ է պետք կրկնել
Անհատական է՝ 3-ից 6 ամիս։ Ժամկետը որոշվում է առաջին այցի ախտորոշման հիման վրա, ոչ թե ընդհանուր կանոնով։
Հետո սահմանափակումներ կլինե՞ն
Մաքրումից հետո մոտ 2–3 ժամ խորհուրդ է տրվում խուսափել ուժեղ գունավորող ըմպելիքներից և ծխելուց։ Այլ սահմանափակում չկա, կարող եք անմիջապես վերադառնալ Ձեր օրվան։
Գրանցվեք GBT մաքրման
Առաջին այցին կտեսնեք Ձեր սեփական բիոթաղանթի քարտեզը և կստանաք անհատական խնամքի ծրագիր։
«Սպիտակ Ամրոց» ստոմատոլոգիական կլինիկա · +374 12 336699 · 6/1 Նիկողայոս Ադոնցի փող., Երևան 0014